القديم

استعرض الموضوع السابق استعرض الموضوع التالي اذهب الى الأسفل

القديم

مُساهمة  alhsnwe في الإثنين 28 يونيو 2010, 1:36 am

القديم)
فى اخناقى العين امسكت اتقوللى قديمين وينهم
قديم دارلك ياعين وسواس غبر ديما لاقطك
قديم كي لفا ساوال يدا اطلقتا ماحوتني
عمرت في افواه الناس واخربت ياغلاي امعالقدم
داواني جديد ابريت حسيست القدم طار سوها
اتحوس في مكان الشيل واتقول وين عدو بالقدم
اومالي جديد هلبت ازهدت فيه ماشي للقدم
جميل بيش بيه ايغلى قديم ماقطع فى اظهورنا
نسرق انظري شور قديم ..نلقى انظرة شورى سارقة
كاره مداعى الصوب..لانريد قديمين لاجدد
كذاب من ايقول الجرح .....بعد قديم داويته ابرى
العقل وين ما نداعوه..... ع غير القدم توجعه
مكبورة الجديد اعلقت.... تقاوت مع نار القدم
اتقول عايبات اعياب.... ويشلن على دار القدم
تفسيره ابقطع اقسام.. منامى اللى جاب القدم
العقل واخذه القديم..ميراث ما عطاء والى اذرع
ايموت ركن يولع ركن..اندثمرو فيك يانارالقدم
العقل ما عليها زاد.. سهراية القديمين سادا
اتقول سايره هالوقت.. تكميظتى على نار القدم
تباعد يالجديد بعيد..اقدم قدامك وين اتريد"
"امغير تعالوا يالقدم..جميع مافي العقل لكم
العقل مالكه القــديـــم * مكان لجدد مـا عاد عندنا
قديم انشوشوله مازال --- امغير اوحلنا فى العقال يالقديم انتا غاليهن ----- كل خطا فيك ايكديهن
جديد مانريد جديد ------ انريد غير نبرا م القدم
الساهله ادير جديد ---والواعره املاقات القدم
ظلمت خاطري وخلاص ..... تبديلت القديمين واعره
حكولي ابها ما بيت .....تبديلة القديمين بالجدد
ماتقول ناسيت وغفلت .....هفوها قديمن عاودت

انموت يدفنوني فيك .....وصيت هلي يا دار لقدم
مامن جديد جا للعين .....لطاته علي شان لقدم
مكسور خاطري من قبل .....امشو عليه بشواش يالجدد
هيالك انسيب جديد .....اواذكر قديمين باعدو

خايف اندير جديد ..... يفضالي قديم وننقهر
كن تفــارق كثر خيــرك ... يالقديــم القيــنا غيـرك
ماتقول طفيناك عشتى جديد يانار القدم
نار قديم كلتني كلي ....ويش انداوي ويش انخلي
يا لقديم وما تعلمها***نارك صوب جديد ردمها

كان تفارق كثر خيرك*يا لقديم لقينا غيرك
قديم حفرلي حفرة سو**وقضتلها وداعا هو
قديم بعد لزماتة في**قلب كانون النار علي
قديم حلفنا ما ننسوه*يدورن ليام ونلقوه
خطم جديد فيه اعلقت -----قاتل اوصاف من عيت الاقدم ميت ليى زمان دفنته ----صوب قديمين اتعيش انتا
يردح جديد بين اوبين ردى اردود ياعين عالقدم
يالقديم ابقلة خيرك لاهنة اولا درنا غيرك
اقدم خلونى يامطراى امعرض فى الماشى والجاى
غلا لافى عالعين جديد غلا يردح لول ويزيد
الفنان عبد الله الرويشد فى اغنية الخيانة يقول
ولا ناقس حب ثانى انجرح منا وعانى
ونقولة
كان لولى داويت كلا جديد مانريد ننجرح
يرخونى اصحاب غلاى بعد دلال مى خاطرة على
تميت تجربة للوقت جميع اللى اتبكى ريتة
يالقدم اخذوه امعاكم عقلى مانبية بلاكم
الدنيا ياقديم اسلاف***ايجيك نهار اتموت ارياف
القيت من ايداوى داى *** وبداك موت يا طامر الدوا

اتذوب الكبد وتبقى دم*** وما ننسى طارى القدم
بكانى الجديد اليوم *** ينشد عليش خانونى القدم

من قايل هذة الشتاوه ارجو الرد

الدوه كى تبقى تلويم ----الله لايردك يالقديم

انخاف كى اندير جديد ----ايدير فى مادار لولى
تحسابى جديد لهاك ----بندر قديم جيتى تردحى
نردم النار نين اتغفى ---يخطر قديم يسفاها على
يحكيبكم ونا ناهيه ----اوحلت فيه عقلى ياقدم
كان مجافينا من جدك**يا لقديم الله لا يردك
قبل اطمعنا فى تغفايا طارت وين عزيز تهايا
في تغفايه قبل اطمعنا,,,,, لو ماهف قديم فجعنا

قديم الصوب اتراجي فيه .... طلتي الموت وماطلتيه
أنتاجر برأس المال . . . نزلت بيك يا صوب القدم
جفا و مواجع يالقديم . . . علي أمعرمهن تعريم
مكر في قديم و كيد . . . درت جديد يالاه أيجاورة
أقدم نمكر فيه و نكيد . . . أحذاهم داير صوب جديد
أجري جاي أجري يالقديم . . . علي نيرانك حط رديم
نار أقدم مازالت تقلي . . . تمشي و ترد علي عقلي
حتى والرجاء مقطوع _ _لليوم ياقدم شاغلينى
اللة اللة موحلم _ _مسمح قديم للعين جيتة
نكذب عليك كانى قلت _ _غلا جديدنسانى اقدم
ورينى نجاتى وين _ _من نار القديمين والجدد
خطم جديد فية اعلقت_ _قاتل اوصاف من عيت القدم
نمشيلك انجى بريان _ _دواى فيك يادار الاقدم
خطوة مااتجوة منام _ _ ع العقل ياقديمين تلحقوا
مع قديم كابر نار--لليوم لذعها باين على
رميت ع القديم رميت __ _انكان هى سفاها درتها
انجاء منام ماهم فية __تقفز تقولى وين الاقدم
وراى نلتفت مازلت ---هيالى اقدم لاحقيني
العقل ياقديم بلاك _يغفا نصيب ويقول وينهم
ننساهم اقدم ملبال _ _حتى وراى ماعاد نلتفت
الروح فى ايدين قديم ----وانكان مات نبقى امطارحة
نلوي بعبرتي مازلت...... لا ني جديد لا جيت بالقدم
جاء العقل للتاريخ لقي.....للقدم باقي غلا

يالقديم عليك اتبدع ---- يوم اتشيل ويوم اتودع
يالقديم الي هالكنا*******امجافينا ونت مالكنا

alhsnwe

عدد المساهمات : 16
تاريخ التسجيل : 26/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: القديم

مُساهمة  الصحراوى في السبت 18 سبتمبر 2010, 4:58 pm

شكررررااااااا لك منوووور

الصحراوى

عدد المساهمات : 16
تاريخ التسجيل : 09/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى