الصبر (صابر لين صبر زاد دايا)

استعرض الموضوع السابق استعرض الموضوع التالي اذهب الى الأسفل

الصبر (صابر لين صبر زاد دايا)

مُساهمة  alhsnwe في الإثنين 28 يونيو 2010, 1:33 am

( الصبر )
الصبر شين وزين عليه كان يالعين تقدري
الدمع ما يجيب عزيز الصبر خير واولى م البكا
اصبر تنال صوب عزيز اموالة الغلا طولة رجا
وراك يارحيل غلاي ** نطايح وماني طايلك
جبوا رحيلنا في ليل ** وعيت قلت يانا الموتخذ
ملغوب يارحيل غلاي** مني بعيد ماجابك نبا
رحيل الغلا م الغوط ** مارينا امفيت عجاجتة
مفروع يارحيل غلاي ** خبارة خطا فيك سايرة
يضابح افطام غلاي ** عقاب ليل ساقوه للخلا
اتقول ما مشوا عالارض ** جرت رحيلهم ما القيتها
ما جرة في لرض القينا ** طار رحيلك يا غالينا
الياس في رحيل غلاي ** يبكي امعاي ويقول ساهلة
غزايتك او نا مغلوب ***ساقوك يا رحيلي عالمهل
دوََارة رحيل غلاي؟........ عالحول جو هتاية امطابة.....
دوََارة رحيل غلاي ..... لقيوا ادفوف بطلوا روحوا
يوم رحيله جيت معرض****نين الحيط اقدامي يقرض
ملايه على الوهام ... اصداف جن وانا جيتهن
خذيت طرفه او هلبت ... نقند الدار عيني انظرها
احملت يا عزيز بلاك ... خليت دار رقوبت للبكا
قديم يا الدار هلبت ... ملزوم بيك ناما نالي
مشا قديم خلا دار ... مريبت الخلا نين طارده
جلاء العقل من الاوهام ... تخاطا او جاء بيناتهن
نطامن انقول اصبرت ... نلقا العين للدار ساريه
مطاول شقاك يا نهي ... طرين اوهام جاته بكيته
ويش درت فى لوهام ... يالي بكيت عامات واجده
مشت أبغيض للوهـــــام ......ردت أبدودشـــة قايدينها.
اوهمت فى رحيل عزيز ... سبحانه او هو ملا للوهام
اتذوح في اوهام اعزاز...اتقول هنا ياما جيتم
خوالى وفيهن دـــوج ... بلا عزيز لوهام سوتهن
ان قلت يا العين اوهام... اتقول لوذ بي فيهن شوي
اسكبن نين دارن ناى ....خياب المواهيم خاليه
بعد عزيز فى لوهام ... نبرم انقول يانا غايبي
جايات في أدروب أخطاي.... أمهلب شين يا أوهام القدم
عرفتا يا لوهام القيس ..... نجيكن حتى بالتلميس
1 انلم مخايط بالمليون **انرقع في بيت المرهون
2 عيني عالفاضي اتحزز ** يابال المرهون الدزز
3يا مرهون تعالى ولي ** دير الي دارى متولي
مرهونين مشو قدامى زامطها وانقول قسامى
بالك يامرهون ظليمه تخطر وين النوم ايجينه

alhsnwe

عدد المساهمات : 16
تاريخ التسجيل : 26/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى