جديد الغناوي والشتاوي والعلمsaw

استعرض الموضوع السابق استعرض الموضوع التالي اذهب الى الأسفل

جديد الغناوي والشتاوي والعلمsaw

مُساهمة  alhsnwe في الإثنين 28 يونيو 2010, 1:31 am

.1مكتوب يا العين عليك ¤ اديري عزيز ويفارقك
.2دموعي علي لولاف ستين الف
وادي جلبن
.3لا تيسي يا عين فرج الله ماريت
مقربه
.4حتي وهو فيه ياس خلاق الله
توكاتك فرج
.5الياس في غبيط الموب جمع ضناه وصهم علي
.6فرق العزير صعيب و العقل في افرقه كادني
.7 افرق العزير صعيب تخريج روح
يانا موعره
.8صنم شكيتله من الياس جبر بخاطري وقال يقسمو
.9غلاك في السما لافوق الا الارض دسوها العرب
.10حتي ان ماقسم صوبك مازلت يا عزير غالي علي
.11علي مانضرت اوحلت يملو العين ما لاقيت كيفكم
.12مايروقن امغير امعك اتقول يا عزير كاتبلهن
.13بعد العزيز ما ينطاق امرار غير عيني صابره
.14بجروحي عليك رميت انموت كان ماداويتني
.15تقطير موطمع في دلو بلت ريق للعين شوفتك
.16العقل لا تزيد عليه مجروح غير كامي عبرته
.17سماحه الغلا ترجاه وتضوق عازته لين تنقهر
.18جميع مابذرته صاف بختي عطيب ياناس في الغلاي
.19تحلف اتقول مشحوتات ايام زهانا يا خاطري
.20ابها افرحت نين بكيت طرولي قديمين ينشدو
.21اطعمه يا عزيز العمر نبقي معك دنيا واخره
.22جفاني عزيز وحده زعما ويش قالوله علي
.23جديد الغلا نبيه يحرق عقاب كبدي الذايبه
.24جميع من عليك ايغلا يبقالك سبب في بكيتك
.25خلاني القديم رماد امغير فيش يا نار تاكلي
.26غلاي بين القسم والياس انضر ايصير والله ينتهي
.27العمر كان ماهو معاك ندعي عليه مولاي ياخده
.28غلاك هو دوا لانضار اصحي اتغيب راني ننعما
.29زريت خاطري ع العزم ينسا عزيز مابا ايديرها
.30اتنين قاسمات الكبد غلاك يا عزيز وغيبتك
.31بلا عزير موبريان الجرح لو اتداويه باللديع
.32املكو العقل باللي فيه الهم اتقول مولاي خالقه
.33ساعت اخروج الروح هظاك وين ياغوالي تنتسو
.34ظلموني اعزاز بكيت اندمت في امغالاتي الهم
.35 جميع من مغالي ناس قسمو له الا نا ايش دوتي
.36موحال في كتاب العقل تلقى اسطور فيهن نسوتك
.37متماضي غلاك امعاي ننساك كيف وأنت قرعتي
.38كربت ياعزيز رخيت رمت رجاي فيدي روحت
.39قريب من غلاك انموت ارفع ايدك راني منتهي
.40مقسي أكبودهم ياعين ياللي عليك ماعاد ينشدوا
.41ياريت ماخلق مولاي إمغير أنا وإنت والغلا
.42راقد وجاك النوم كداب ما غلانا شغلاك
.43ابكي عليه قبل ايصير عندي العقل واحي افراقهم
.44امعاهد علي الله نحفظ غلاك في جوف خاطري
.45شديد عزم فالتوديع العقل مابكاء نين باعدوا
.46عليك حلم جاب عزيز تفسيرها انموت ولا قسم
.47ننهاك ع الغني ياعين نلقاك في سريبه عايله .48نا مالي عليك ملام ويا ياس ليش أتزورني 49هاوي عليك الياس بلا عزيز يا عين اصبري 50واخذين مافي العقل سوي بعاد والا أيقربوا 51حتي كي أنقول انسيت نلقي عزيز داره امقابله .52اعزاز مالكين العقل ينساهم منامه يجيبهم
.53لا عزيز لا طريه امعي يا جضر خود غايتك
.54لاعزيز دار خير ولا خطاه لاقيله جهد
.55لا عندي مولاك علي عطاه يا عين اصبري
.56اعزاز وطنهم فاتوه سمعو نباك جو جاي يا علم
.57اللي غلاه بالترويم انساه يا دليلي واتركه
.58دهواري بلاهم خير اللي لا غنوا لا ريحو
.59بلا قشوشه للنار اتشيط نوحلو في ردمها
.60اطناش وتمان اسنين شوي في مراجاة صوبكم
.61لقيته الياس حني بكي امعاي حالي شاغله
.62العقل حاطين عليه احمول ياس وافي كيلهن
.63كدب يا منام الليل اتجيب في ناس طال ياسهم
.64سيوره يطيح طياح سعد الياس مو ديمه قوي
.65ايسيلن وهو موجود علي عزيز يا بال رايفن
.66حال غايتي في الصوب لا خطاه فيه مخادعه
.67علينا ان ضاق الحال اطرو عزيز يا تينا الفرج
.68ان هانت علي ايهون عزيز كيف عيني ليمنه
.69جريح قابله مجروح شكو بكو لين انعموا
‏ .70الكم كان عاش العقل انمات بالغلا اللي فيه تورتو
.71جديد هو اللي يالاك الا القديم يا عين فايتك
.72خايف عليه ايضيع غلا جديد دوبي ديره
.73خلاني قديم عوين مع جديد يا نا ر اولعي
.74مكر في القديم ومكيده انديرله جديد ايجاوره
75انخاف كي اندير جديد يعلم قديم يا عين توجعه
.76 ازعما كي انديرجديد نسوه قديم تبقي ساهله
.77 ننساه مانموت عليه اللي ماعرف قيمت الغلا
.78ضلمت خاطري ياوقت خديت ناس عيني اتريبهم
.79عليكم اتريد اتموت العين رايفت من جد جدها
.80قزون ومنعمي وغريب بعد عزيز هدي حالتي
.81لوكان الوطا تنشال انشيلو عزيز ومقعده
.82انريد من اعزومك عزم ننساك بيه يلي انسيتني
.83ازعما يالعين عزيز مظلوم فيك والله ضالمك
.84ما يروق غير امعاك العقل عقلي وانا عارفه
.85بكيت عالغلا كي صار ازعما ويش لوصار الخطا
.86مريض يا عزيز بلاك وانموت كان طالت غيبتك
.87الي قبل هو مشكاك لناس كيف تشكي بسيتا
.88الشمس يا عزيز اتغيب ان جا نباك شاقي بغيرنا
.89من طولت ارجا ياقسم انخاف كي اتجي مانعرفك
.90رادنا امغير راد الغير ولغير راد غيره وسيبا
.91حتي لو ضنيت وشبت انموت ولقدم في خاطري
.92علي ما شرب ما روي عطشان صوب مازل خطري
.93عليهم مانريد انموت عندي العين ياما ناضره
.94علي جديد داير كبد مجبور موكريها فالقدم
.95لاقديم قسمي جاب ولا جديد عيني دورت
.96بشواش ماأديرجديد مرات القديمين يقسموا
.97عطشان صوب طول العمر العقل ماروي نين صادفك
.98بعد قديم راه حرم واطي انضرك يا عين عالغلا
99.خليك في رجاء مولاك ربك كريم ياعين اصبري
100.اغنيت وضنيت وشبت انموت ولقدم في خاطري
101.خوفي من الله بس إلا قديم مولي اوخالقي
102.دقيت باب الغلا فتح ياسهم قال ارحلو
103.اتزيد من ايام العمر نشدات عزيز يا بال جيتا
104.العين ما وساده اتريد من خوف يجوا في نومها
105.لاصاحب غلا لا قدر قديم غير ناللي منعمي
106.جنين كبد راضع قهر افطمه ياس او زازبه عدو
107.كداب من ايقول الجرح بعد قديم داويتا ابري
108.انموت يدفنوني فيك وصيت هلي يا دار القدام

alhsnwe

عدد المساهمات : 19
تاريخ التسجيل : 26/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى