الغلا الغلا

استعرض الموضوع السابق استعرض الموضوع التالي اذهب الى الأسفل

الغلا الغلا

مُساهمة  alhsnwe في الإثنين 28 يونيو 2010, 1:29 am

¥كان امعاك غلانـا صافـى@ راك امرايـف كيـف اريافـى¥

¥يا غالى وبيـش ايرضيـك@ ادموعـى منعميـات علـيـك¥

¥ليش تراخيتـى عالغالـي@
ليـن اخـدوه اقـلال الوالـي¥

¥يوم غلاهم مـا شاورتـي@
خانـو يـا عيـن تكـدرتـي¥

¥أنت يا قلبي وسـع بالـك@ ما من حال أصعب مـن حالـك¥

¥وين خطر غاليهـا جفـت@ ليـن أصبـاع إيديهـا عفـت¥

¥شربت الحنضل كي الحليب@
علـي ميلـة بختـي العطيـب¥

¥الغالي وين انقول انسيبه@ يخطر نص الليل سريبه¥

¥سوك راح انسا الغوالي @حتي انا ما عندي والي¥

¥مازالـن يبنـن لا تــوه@ واللـي عــده راج إبـسـوه¥

¥يوم غلاهم مـا شاورتـي@
خانـو يـا عيـن تكـدرتـي¥

¥نكتم فـ العبـرة بانفاسي@ خايف مـن تشميتـت ناسـي‎¥

¥ياريت الامهات عقمن@ لاجيت اني ولاصاحب الغلا¥

¥الواجد نلقي فيه اشوي@ في ميزان غلاك علي¥

¥لا عرفت نشقي بيك@ ولا قدرت ننساك ياغلا¥

¥طايح عالغالي في دارا@ نرجا في تلفيق عدارا¥

¥بيت غلاك اخيوطه فضه@ يصعب عاللي ايريد ايقضه¥

¥بعروقة التوا عالكبد@ غلا عزيز ماعاد ينقطع¥

¥اتقول شاربات سكير@
يموجين مع نار الغلا¥

¥راعي غلاي من يالاك@ إلا غلاك في جوفي احصل¥

¥شهيد الغلا مرحوم@ لاعذاب لانار تاكله¥

¥غلاكم نحسابوه ايام@ طلع عام ايدودش في عام¥

¥غلاكم في قلبي محفوظ@ كيف التمره في المقروض¥

¥مشيول غلاكم في غمري@ لين عليه انكمل عمري¥

¥العقل غالبه الكلام@ لصقة عليه جثامة غلا¥

¥إتريد من غلاك إتدوق@ العين تكحيل ماعاد سادها¥

¥غلاي أوغلاكم ياكحيل عيانا@ فاته غلا كمال لي جومانه¥


alhsnwe

عدد المساهمات : 19
تاريخ التسجيل : 26/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى